Po rikthehet Barcelona e madhe, përgatit ofertë për Lewandowskin

Barcelona përgatit ofertë për Lewandowskin.
FC Barcelona është e gatshme të bëjë përpjekje për të nënshkruar me Robert Lewandowski.
Katalonasit po e mendojnë një transferim prej 50 milionë eurosh, megjithëse do të ishin të gatshëm të shkonin deri në 60, raporton Sport.
Vullneti i lojtarit është që t’i japë fund kohës në Gjermani, ndaj marrëveshja me Lewandowskin, i përfaqësuar nga një mik i Joan Laporta, Pini Zahivi, nuk do të ishte problem.
Problem i pakapërcyeshëm nuk do të ishte as rroga e futbollistit. Nga Barça mendohet se në këtë rast të veçantë, për shkak se është top lojtar, duhet bërë përpjekje për kushtet e shtesave të tjera të reja.
Në këtë kuptim, kufijtë e vendosur të pagave do të tejkaloheshin në mënyrë që oferta për Lewandowski të ishte sa më tërheqëse.
Mbetet të shihet gjatë verës se si do të rrjedhin gjërat.