Trajneri i njohur, Rafael Benitez beson se ylli i Liverpoolit, Mohamed Salah, e meriton të fitojë Topin e Artë 2025.
Benitez e ka vlerësuar lartë formën e Reds, por në veçanti atë të yllit egjiptian, Salah, i cili sipas tij e meriton të fitojë çmimin më të madh individual.
“Rinovimi i kontratës së Salah është 100% i rëndësishëm sepse ai është një figurë e madhe dhe e jashtëzakonshme në futbollin botëror”, ka thënë fillimisht Benitez për MBC Masr 2 në Egjipt.
“Vitet e fundit, ai vazhdimisht ka treguar cilësinë e tij dhe ka ruajtur nivelin e tij – diçka që shumë lojtarë nuk mund ta arrijnë. Të gjithë në Liverpool janë të lumtur që ai po qëndron”.
“A është rritur Salah? Ai ende bën një ndryshim në çdo ndeshje. Kur një lojtar kujdeset për veten dhe vazhdon të performojë në këtë nivel, mosha nuk ka rëndësi”.
“Sigurisht që Salah e meriton të fitojë Topin e Artë. Pse jo?”, përfundoi ish-trajneri i Liverpoolit.
