Grupi terrorist me bazë në Mali, Jama’at Nusrat al-Islam wal Muslimeen (JNIM), i cili ka lidhje me Al-Kaedën, ka marrë përgjegjësinë për vrasjen e të paktën 54 ushtarëve në Beninin verior më 17 prill, raportoi të enjten “Euronews”.
Sulmi ka ndodhur në departamentin verilindor Alibori të kombit afrikano-perëndimor, i cili kufizohet me Burkina Fason, Nigerin dhe Nigerinë.
Qeveria e Beninit fillimisht ka thënë se tetë ushtarë kanë vdekur në sulmin e së enjtes së kaluar, por numri i të vdekurve është përditësuar të mërkurën.
Benini është përballur me rritje të aktivitetit terrorist në vitet e fundit, me grupet ekstremiste që veprojnë në rajonin e Sahelit.
