Barcelona dhe Inter luajtën një ndeshje spektakolare të mërkurën mbrëma në “Estadi Olímpic Lluis Companys”, e cila përfundoi me barazim 3:3.
Ndeshja do të vendoset në takimin e kthimit që do të zhvillohet në “Giuseppe Meazza” të martën e ardhshme.
Interi shënoi i pari me Marcus Thuram që realizoi në minutën e parë, ndërsa Dumfries shtoi një tjetër gol në minutën e 21-të për 2:0.
Barcelona reagoi shpejt, me Lamine Yamal që ngushtoi diferencën në minutën e 24-të dhe Ferran Torres që barazoi në minutën e 38-të.
Në pjesën e dytë, Dumfries realizoi për 3:2 në minutën e 63-të, por Barcelona barazoi sërish me një gol të Raphinës në minutën e 65-të, që shkoi në traversë dhe përfundoi pas shpinës së portierit Yann Sommer.
Ndeshja përfundoi 3:3, pa gola të tjerë, por pati raste të tjera, duke përfshirë një gol të anuluar për Interin për pozicion të papajtueshëm dhe një goditje të Yamalit që goditi shtyllën.
