Sot në orën 07.10, nëpunësit policorë nga NJPB Kërçovë privuan nga liria E.A. (48) nga fshati Sërbjan, Kërçovë, për kryerjen e veprës penale “vrasje”.
Siç kumtoi MPB-ja, rreth orës 7:00 në SP Kërçovë nga Shërbimi i Urgjencës Mjekësore të Kërçovës u denoncua se tek ata është lajmëruar E.A. dhe ka thënë se në shtëpinë e familjes në f.Sërbjan me sëpatë sulmoi prindërit e tij. Dy personat u transportuan me ambulancë në Qendrën Mjekësore të Kërçovës, ku U.A. (74), babai i autorit të krimit, ndërroi jetë nga plagët e marra, dhe F.A. (67), nëna e autorit të krimit, është në një gjendje të paaftë për t’u komunikuar.
E.A. është i privuar nga liria dhe pas dokumentimit të rastit, ndaj tij do të ngrihet kallëzim penal.
