Kryetari i komunës së Butelit dhe njëherësh kandidat i VMRO-DPMNE-së për mandatin e dytë, Darko Kostovski, ka njoftuar për një investim të ri të rëndësishëm në sferën e arsimit.
Shkolla fillore “Petar Zdravkovski – Penko” do të fitojë një fasadë të re me standarde të larta të efikasitetit energjetik. Vlera e projektit është 11 milionë denarë dhe sipas Kostovskit, ky investim do të përmirësojë ndjeshëm kushtet për zhvillimin e mësimit, ndërsa do të sjellë edhe kursim të energjisë.
“Vazhdojmë të investojmë në shkollat fillore si kurrë më parë. Ky është një tjetër premtim që po e realizojmë pas takimeve dhe kërkesave të përbashkëta me prindërit,” ka theksuar Kostovski.
Kostovski gjithashtu ka theksuar se përmes këtyre projekteve, Komuna e Butelit po e forcon imazhin e saj si një komunë që kujdeset për nxënësit, mësimdhënësit dhe zhvillimin e qëndrueshëm të arsimit publik.