Ylli brazilian i Leeds United, Raphinha, është në bisedime me Barcelonën për të siguruar një transferim gjatë kësaj vere, dhe lajmin e konfirmon “Goal”.
Spekulohet se Raphinha ka anashkaluar të gjitha thirrjet e krerëve të Leeds për të biseduar rreth çështjes për rinovim kontrate, pasi që dëshiron të largohet nga klubi anglez.
Skuadra e Leeds shpenzoi plot 20 milionë euro për ta transferuar Raphinhan nga Rennes në muajin tetor të vitit 2020, dhe që nga ajo kohë ylli brazilian ka arritur që të bëhet njëri ndër lojtarët kyç të skuadrës angleze.
Po ashtu, “Goal” raporton se agjenti i Decos tani është duke punuar drejt kushteve personale të Raphinhas me Barcelonën, ndërsa presidenti i kësaj të fundit Joan Laporta publikisht ka shprehur interesimin në yllin e Leeds United.
Që prej kalimit te Leeds, Raphinha ka arritur të bëjë 59 paraqitje në të gjitha garat për skuadrën angleze, duke regjistruar 15 gola dhe 12 asistime mbi emrin e tij.
