Një aksident trafiku ka ndodhur të mërkurën mbrëma në Dragash, si pasojë vetura është rrokullisur.
Sipas fotografive të dërguara nga lexuesit, shihet teksa automjeti ka dalë krejtësisht nga rruga.
Jo-zyrtarisht bëhet e ditur se nga aksidenti dy persona kanë pësuar lëndime trupore, dhe të njëjtit janë dërguar për trajtim mjekësor.
Lidhur me rastin, Telegrafi ka provuar të marrë informata shtesë nga policia por, deri në momentin e publikimit të lajmit, nuk ka mundur të marrë përgjigje.
