Pak ditë më parë, vogëlushi Alion, banor i fshatit Bashaj (bashkia Selenicë), ka mbetur i plagosur pasi është goditur nga një mushkë në fshat. Si pasojë e goditjes, ai ka pësuar dëmtime në pjesën e kokës.
Alioni po mjekohej prej disa ditësh në fshatin Bashaj, por gjendja e tij nuk ka shënuar përmirësim, duke e bërë të domosdoshme ndërhyrjen mjekësore më të specializuar.
Situata është rënduar edhe për shkak se rruga e fshatit Bashaj ka qenë e bllokuar prej ditësh, çka ka bërë të pamundur transportin e tij drejt Tiranës.
Për këtë arsye, është kërkuar ndihmë nga Forcat e Armatosura për transportimin e tij me helikopter.
Ditën e sotme ka nisur transportimi i Alionit me helikopter drejt Tiranës, ku do të marrë ndihmë mjekësore të specializuar.