Shkup, 28 dhjetor – Alarme për bomba janë dërguar sot pasdite në adresat elektronike të 12 shkollave në Shkup dhe tetë në Kumanovë, njofton MPB.
“Deri më tani, sot pasdite është raportuar se është dërguar kërcënim me eksploziv në adresat elektronike të 12 shkollave në Shkup dhe tetë në Kumanovë. Menjëherë pas marrjes së denoncimeve, nga punonjësit e policisë janë marrë masat për evakuimin e sigurt të objekteve po vijojnë kontrollet antiterror dhe merren masa për zbardhjen e rasteve”, bën të ditur MPB.
Gjatë ditës së djeshme, 20 shkolla në Shkup kanë dërguar raporte në MPB për mesazhe të pranuara në adresa elektronike me kërcënime për vendosje të mjetit shpërthyes, ku pas kontrolleve të nevojshme është konstatuar se bëhet fjalë për raporte të rreme.
