GazetaMax
Lajme

Aleanca për Shqiptarët i bën thirrje ministrit Bekim Sali të vizitojë klinikën e Kirurgjisë

Shkup, 12 shtator – Aleanca për Shqiptarët sot përmes një kumtese për media, i kanë bërë thirrje ministrit të shëndetësisë, Bekim Sali, të vizitojë klinikën e kirurgjisë torakale pasi e njejta para pak ditëve u kaplua nga zjarri, ndonëse nuk kishte as të lënduar e as të vdekur nga ky incident, informon Zhurnal.

Ata pyesin nëse ka pranim teknik në sallën e operacionit dhe pjesët tjera të repartit të renovuar. Nga ASH gjithashtu pyesin pse ende nuk është në funksion salla e operacionit e përuruar dy herë nga Qeveria LSDM-BDI.

Ata pyesin pse drejtori i kësaj klinike tek pas katër ditëve ka informuar ministrin për incidentin në fjalë.

Në vijim keni komunikatën e plotë të ASH-së për media:

Pasi u vërshua nga rreshjet e shiut, ndërtesa e klinikave kirurgjikale pranë Qendrës klinike “Nënë Tereza” në Shkup, e më saktë salla e operacionit dhe një pjesë e repartit të Klinikës universitare për kirurgji torakale, u kapluan nga zjarri dhe kështu kanë rrezikuar jetën e pacientëve të shtrirë. Kësaj radhe, për fat, nuk kishte të vdekur e as të lënduar.
Aleanca për Shqiptarët pyet:
A ka pranim teknik salla e operacionit dhe pjesët tjera të repartit të renovuar, nëse po, kush e ka nënshkruar?
Përse nuk funksionon salla e operacionit e përuruar dy herë nga qeveria LSDM-BDI për poena të ulta politike dhe e shpallur si sallë kirurgjikale “me standarde botërore”?
Përse drejtori i klinikës nuk e ka informuar ministrin e shëndetësisë dhe më skandalozja, ai informohet tek pas katër ditëve?
Aleanca për shqiptarët kërkon:
Ministri i shëndetësisë, z. Sali, urgjentisht të vizitojë klinikën në fjalë dhe të prononcohet për dhe rreth rastit në fjalë!
Ministri i shëndetësisë të kërkojë përgjegjësi prej Drejtorit Jakupi për lëshimet eventuale dhe sjelljes së tij nonshalante ndaj institucionit – Ministër i shëndetësisë!
Qeveria e Maqedonisë së Veriut në procedurë të shpejtuar të inicojë reintegrimin e Klinikave universitare që të evitohen tragjeditë e këtij lloji dhe padëgjueshmëria e drejtorëve partiak.
Aleanca për Shqiptarët
Departamenti i shëndetësisë
Bekim Tateshi

Related posts

Enti për statistika përbrenda nuk ka vetëm numra, ka edhe diskriminim ndaj shqiptarëve!

Gazeta Max

Izedin Hamdi është heroi që shpëtoi 17 persona nga zjarri në Francë, përfshi një foshnje

Gazeta Max

Blinken-Zhan-Iv le Drien: Japim mbështetje të plot për integrimin e Maqedonisë së Veriut dhe Shqipërisë në BE

Gazeta Max