Dega e Alternativës në Çair ka zhvilluar mbledhjen e radhës, me prezencën e funksionarëve të lartë të partisë dhe nën udhëheqjen e kryetarit të degës së Çairit, Faton Fazliu.
Përveç kryesisë së degës dhe të nëndegëve, në mbledhjen morën pjesë edhe Sekretari i Përgjithshëm Zeqirija Ibrahimi, Nënkryetari Bekim Sali, këshilltarët në Komunën e Çairit dhe aktivistë të partisë.
Në mbledhje u diskutua situata aktuale politike, organizimi i brendshëm dhe funksionimi i Frontit Opozitar.
Kryetari i degës Faton Fazliu paralajmëroi lajme të mira së shpejti.
“Vazhdon puna e Degës së Çairit. Së shpejti me lajme edhe më të mira…”, publikoi Fazliu në rrjetin social Facebook.
Alternativa është pjesë e Frontit Opozitar, bashkë me Lëvizjen Besa dhe Lëvizjen Demokratike të Izet Mexhitit. Ky koalicion, sipas të gjitha sondazheve, shihet si konkurrent kryesor për të mundur BDI-në në zgjedhjet e ardhshme parlamentare.
