Massimo Ambrosini, këshillon AC Milan të nënshkruajë me dy lojtarë specifikë këtë verë që mund të përmirësojnë ndjeshëm skuadrën.
Ish-mesfushori i Milanit, Massimo Ambrosini është intervistuar nga La Gazzetta dello Sport. Eksperti tashmë i Dazn foli për tema të ndryshme duke këshilluar ish-klubin e tij që të nënshkruajë me dy lojtarë të veçantë këtë verë, përcjell ORAinfo.
Ish-mesfushori qendror komentoi fillimisht situatën e klubit dhe punën e shkëlqyer të bërë nga Elliott:“Sot AC Milan është një klub me llogaritë në rregull, duke u kthyer në konkurrencë. Shpresoj që garancitë që Investcorp i ka dhënë pronarit aktual të shkojnë në këtë drejtim dhe të mund të financohet një proces rritjeje. Elliott? Ndër meritat e tyre është se kanë zgjedhur lojtarët e duhur për këtë punë”.
Ambrosini miraton gjithashtu punën e mirë të drejtuesve dhe trajnerit: “Maldini dhe Massara kanë ndërtuar një ekip të lartë, duke shfrytëzuar në maksimum materialin në dispozicion. Pioli bëri të njëjtën gjë duke udhëhequr grupin me një ide të qartë dhe gjithmonë proaktive të lojës”.
Ardhja e mundshme e Investcorp ka sjellë shumë entuziazëm te tifozët kuqezi të cilët presin një fushatë emocionuese blerjesh verore.
Massimo Ambrosini këshillon AC Milan të transferojë për dy lojtarë që ai i vlerëson shumë dhe mund të rrisë ndjeshëm nivelin e skuadrës.
“Milanit nuk i duhet një revolucion. Baza është e shkëlqyer dhe duhet përmirësuar duke përforcuar zonat e fushës ku Milani ka vuajtur më shumë. Një anësor i djathtë, një playmaker dhe një qendërsulmues. Më pëlqen Darwin Nunez i Benfica-s, por gjithçka do të varet nga sa para janë investuar. Christopher Nkunku nga RB Leipzig është një tjetër profil që më emocionon”, ka përfunduar legjenda e Milanit./ORAinfo/
