Real Madridi u eliminua nga Liga e Kampionëve, pasi humbi ndeshjen kthyese nga Manchester City (4-0). Trajneri Carlo Ancelotti e ka pranuar se skuadra angleze luajti më mirë, por ka thënë se kjo humbje do të bëjë më të fortë skuadrën e Realit në sezonin e ardhshëm.
“Ata luajtën më mirë se ne dhe e meritonin të arrinin në finale. Nuk kishte qark të shkurtër, ata ishin të fortë, shtynë fort dhe kaluan në epërsi në pjesën e parë. Kjo humbje nuk e vë në dyshim atë që është bërë. E ardhmja ime është shumë e qartë dhe kjo humbje do të na ndihmojë të jemi më të mirë vitin e ardhshëm. Nuk ka dramë, le të shohim nga e ardhmja. Vitin e kaluar fituam, këtë vit jemi jashtë dhe në futboll ndodh kjo”, ka thënë Ancelotti.
“Në pjesën e dytë u përpoqëm të ktheheshim në lojë dhe ishte e pamundur. E prisja atë fillim, pastaj duhej ta menaxhonim më mirë ndeshjen. Por ne gjetëm një rival të fortë dhe duhet të pranojmë që na eliminuan nga gjysmëfinalja. Ne nuk kemi mundur të luajmë një tjetër finale, por kemi bërë mirë këtë sezon dhe do të bëjmë më mirë sezonin e ardhshëm”, ka shtuar Ancelotti
