Investcorp janë të vendosur të blejnë klubin AC Milan nga Elliot Management, por çfarë do të ndodhë me Paolo Maldini.
Fondi Investcorp me bazë në Bahrein është në negociata ekskluzive për të blerë klubin e AC Milan nga Elliott Management.
Investcorp pritet të shpenzojë një shifër afër një miliardë euro për të blerë klubin italian nga fondi amerikan.
Fondi i investimeve menaxhon 40 miliardë asete por kjo është hera e parë që ata hyjnë në botën e futbollit, përcjell ORAinfo.
Palët tashmë kanë përfunduar procesin e analizës së duhur. Elliott Management pritet të largohet pas katër vitesh në krye të kuqezinjve. Amerikanët ndërtuan me sukses një klub të qëndrueshëm me kushte të përmirësuara financiare dhe shumë më konkurrues në fushë.
Një rol të madh në suksesin e fundit të AC Milan kanë luajtur Paolo Maldini dhe Frederic Massara. Megjithatë, kontratat e të dyve skadon në fund të sezonit dhe nuk janë rinovuar ende. Një ndryshim në pronësinë e AC Milan me siguri do të pasohet nga ndryshime në strukturën drejtuese, por Paolo Maldini dhe Massara do të qëndrojnë dhe do të vazhdojnë të luajnë një rol kyç edhe në të ardhmen.
Pavarësisht punës së tij të madhe si drejtor, Paolo Maldini është një simbol i AC Milan dhe pronësia e re nuk do të dëshironte ta fillonte mandatin e tyre në këmbë të gabuar. Ndjenja, për momentin, është se roli i tij nuk vihet në dyshim./ORAinfo/
