Nga nesër hyn në fuqi vendimi i qeverisë për ngrirjen e marzheve të produkteve të qumështit dhe makaronave, pas së cilës qeveria pret ulje të çmimeve të produkteve të qumështit me të paktën 10 për qind dhe të makaronave me të paktën 15 për qind.
Në Top Temа, ministri i Ekonomisë, Kreshnik Bekteshi, është shprehur i bindur se të gjithë do ta respektojnë vendimin.
“Nuk presim të kemi mungesë të produkteve, ndonëse kemi mekanizma të tjera që mund të sjellim menjëherë në Qeveri. Ashtu siç bëmë me ngrirjen e çmimit të bukës. Presim të gjithë të respektojnë vendimin sepse të gjitha masat janë miratuar sipas analizës së detajuar ku kemi imput nga kompani të përgjegjshme shoqërore” – ka thënë Bekteshi.
