GazetaMax
Ballina Lajme

Dimitrievski do jetë ministër i ri i Mbrojtjes, Znam e jep Filkovin dhe fiton komunën Qendër

Në prag të zgjedhjeve lokale janë duke u zhvilluar negociata intensive mes partnerëve të koalicionit në qeveri, këtu nuk përjashtohet as VMRO-DPMNE-ja dhe Lëvizja ZNAM, mëson TV21 nga burime të mirëinformuara.

Burimet informojnë se është duke u shqyrtuar mundësia e bashkëpunimit në zgjedhjet lokale mes këtyre dy subjekteve, por në të njëjtën kohë po hapen edhe temat që kanë të bëjnë me një rikonstruim të mundshëm të Qeverisë.

Sipas informacioneve tona, VMRO-DPMNE-ja ka kërkuar Ministrinë e Drejtësisë, duke pasur parasysh se ky resor aktualisht është në duart e ZNAM-it. Në këmbim, VMRO-ja do ta japë Ministrinë e Mbrojtjes, e cila tani menaxhohet nga VMRO-DPMNE, por me kusht që ministër i ri të jetë Maksim Dimitrievski, kryetari aktual i Komunës së Kumanovës dhe kryetari i ZNAM.

Në të njëjtën paketë negociatash, VMRO-DPMNE kërkon mbështetje nga ZNAM për kandidatin e tyre për kryetar të Kumanovës, ndërsa në këmbim do ta përkrahin kandidatin e ZNAM-it për Komunën e Qendër.

Sipas informacioneve tona negociatat ende vijojnë, ndërsa nëse një marrëveshje e e këtillë do të realizohej, do të varet nga kalkulimet e të dyja palëve për përfitime politike.

Related posts

Skadoi mandati i gjykatëses Vangelina Markudova, Kushtetuesja ngeli me 6 gjykatës

Gazeta Max

A paraqet kërcënim për ne lufta në Ukrainë? Ja çfarë thotë drejtoi i Agjencisë së Zbulimit

Gazeta Max

​Rusët mobilizojnë mercenarë nga Ballkani, drejtues i rekrutimit është krimineli serb Dejan ‘Deki’

Gazeta Max