Shkup, 10 tetor – Ministria e Ekonomisë është obliguar nga Qeveria që të shqyrtojë mundësitë rreth vazhdimit eventual të aplikimit të llogaritjes verore të kohës me qëllim të kursimeve shtesë në konsumin e përgjithshëm të energjisë elektrike, informoi sonte Pres shërbimi qeveritar pas mbledhjes së 88-të të kabinetit qeveritar.
Në seancën e qeverisë është miratuar edhe set i ri masash kundër krizës në vlerë prej 350 milionë euro për zbutjen e krizës energjetike dhe presionit të çmimeve, si Plan për qëndrueshmëri fiskale dhe mbështetje të rritjes ekonomike me politika, rekomandime, masa dhe indikatorë.
