Drejtori Sportiv i Sevillas, Monchi, në një pronocim të dhënë së fundi e ka pranuar që Chelsea pothuajse e kishte blerë mbrojtësin francez, Julas Kounde.
Ai, ndër të tjera zbuloi disa prapaskena interesante të cilat nuk diheshin deri më tani.
Monchi deklaroi se londinezët ishin gati ta zyrtarizonin lojtarin, por dyshimet e tyre filluan në fund, teksa po kompletohej marrëveshja.
“Të enjten Kounde ishte ‘i shitur’ te Chelsea. Ata filluan të kishin dyshime dhe u tërhoqën”, tha ndër të tjera ai.
“Pas kësaj u paraqit Barcelona. Kontakti i parë me Alemany ishte të hënën. Fillimisht ata propozuan një ofertë që ne e konsideruam të vogël, megjithatë më vonë e gjetëm dakordimin. Chelsea u kthye sërish, por oferta e Barcelonës ishte më e mirë”, përfundoi ai.
Siç dihet, Kounde tashmë është zyrtarizuar si lojtari më i ri i Barcelonës.
