Shkup, 12 dhjetor – Qendra për Menaxhimin me Kriza (QMK) pasdite informoi se në ujërat e Vardarit është gjetur një trup i pajetë, që me shumë gjasa është i personit i cili dje u hodh në lumë nga ura “Bliznak” në bulevardin “Sërbija”.
“Sipas denoncimit të qytetarëve në 112 në QMK dhe në koordinim me MPB-në dhe Ndihmën e Shpejtë, pasditen e sotme është gjetur një person, që me shumë gjasa është ai që i ka marrë vetes jetën dje, duke u hedhur nga ura “Bliznak” në bulevardin “Sërbija” në lumin Vardar. Personi i mbytur është locuar rreth dy kilometra në rrjedhën e poshtme të urës”, kumtuan nga QMK..
Sipas Qendrës, trupi i të mbyturit është nxjerrë nga ekipi i MPB-së dhe do të vazhdojë të veprohet sipas procedurave për raste të tilla, ndërsa do të vijojë identifikimi dhe konfirmimi i mëtejshëm i rastit.
“Për informacione apo detaje shtesë do t’ju njoftojmë sipas informacioneve të marra”, shtojnë nga QMK.
Siç paraprakisht informuan nga Qendra, pas koordinimit të bërë me MPB-në, DMSH, vetëqeverisjet lokale të Gazi Babës, Aerodromit dhe Qytetit të Shkupit, si edhe me Kryqin e Kuq, sot me varkë u bë kërkimi nëpër rrjedhën e lumit Vardar nëpër gjerësinë e mesatares së shtratit të lumit nga njësitet e specializuara të MPB-së me barkë.
