Zëvendëskryeministri i parë, Artan Grubi ka shkruar në faqen e tij zyratare në Facebook se VMRO-DPMNE asnjëherë dhe asgjë nuk ka nënshkruar për të mirën e vendit, përkundrazi, me idetë e tyre kanë dashur ta largojnë Maqedoninë e Veriut nga rruga europiane dhe ta orientojnë drejt jostabilitetit.
Grubi më tej ka theksuar se bllokada që po e bën VMRO dhe Levica për ligjet e Korridorit 8 dhe 10-D do të zgjas punimet dhe do të bëj që ky investim të kushtoj miliona euro më shtrenjtë.
Postimi i plotë:
VMRO: Marrëveshja e Ohrit me shqiptarët është e dëmshme për vendin, ne do ta ndryshojmë.
VMRO: Marrëveshja e Prespës me Greqinë është e dëmshme për vendin, ne do ta ndryshojmë.
VMRO: Marrëveshja e fqinjësisë së mirë me Bulgarinë është e dëmshme për vendin, ne do ta ndryshojmë
VMRO: Marrëveshja për korridoret 8 dhe 10-D është e dëmshme për vendin, ne do ta ndryshojmë.
Asgjë s’kanë ndryshuar në këto 33 vite, asnjë vendim të mirë për shtetin nuk e kanë marrë, perkundrazi, i hodhën 1 miliardë euro në stiropor e marrëzira antikuizimi për Shkupi 2014, sollën Subrata Roj, na përgjuan 1 milion herë, na arrestonin, akuzonin dhe gjykonin vet, na sollën togfjalëshin shtet i kapur, na rrënuan marrëdhëniet me SHBA dhe BE , 11 vjet na mbajtën larg NATOsë dhe na sollën Kinën dhe Rusinë .
Ata e dijnë, ne e dijmë, ju e dini, që ata as nuk duan, as që munden, as që do të provojnë të ndryshojnë diçka, por duan vetëm pushtet!
Dallimi është: stiropor ose autostrada
MOS HARONI: Opozita, VMRO dhe Levica, me bllokadën e ligjeve në Kuvend, do ta kushtojë shtetin mbi 150 milion euro dhe dy vite humbje kohe. Realizimin e projektit nuk mund ta ndalin në asnjë mënyrë të vetme, vetëm mund ta shtrenjtojnë dhe vonojnë përfundimin e autostradave.
KËRKONI NGA DEPUTETËT që të vendosin autostradat të ndërtohen më shpejtë dhe më lirë e jo më ngadalë dhe më shtrenjtë.
https://www.facebook.com/ArtanGrubi/posts/785946976228156
