GazetaMax
Lajme

Grubi: “Frontit për Europë” është jetik për vendin

Zëvendëskryeministri i parë dhe Ministri për Sistem Politik dhe Marrëdhënie ndërmjet Bashkësive, Artan Grubi i ftuar në emisionin ARGUMENT në TVM2 ka deklaruar se shumica parlamentare po bisedon me deputetë që mbështesin frynëb pro-evropiane brenda opozitares VMRO-DPMNE me qëllim që të arrihet deri te ndryshimet e nevojshme kushtetuese që vendi të ecë pa panegesa në rrugën e saj drejt BE-së.

“Ne po bisedojmë me deputetët e opozitës, jam i bindur nga kontaktet që kam se ka frymë europiane brenda VMRO DPMNE-së, ka frymë që nuk pajtohet me politikat e udhëheqësisë aktuale të VMRO DPMNE-së dhe unë vlerësoj se me punë të sinqertë me këtë grup të deputetëve, me këtë grup europian brenda koalicionit të VMRO DPMNE-së, ne do arrijmë që ta bëjmë edhe këtë ndryshim dhe përfundimisht të arrijmë politikën e zero problemeve apo çështjeve të hapura me fqinjët në mënyrë që të ecim përpara”, tha Grubi.

Sipas tij, formimi i frontit europian është jetik.

“Ideja e z.Ahmeti për krijimin e një fronti europian të të gjitha forcave polike është e një rëndësie të veçantë, për arsye se është mënyra e vetme për tu larguar nga politikat izoluese të cilat na sjellin konflikte të brendshme midis partive politile dhe forcave që janë pro BE -së dhe të cilat e pengojnë integrimin në BE. Unë vlerësoj se kjo është formula e daljes nga ky qorsokak , në të cilin po na fut opozita”, nënvizoi zëvendëskryeministri i parë Grubi.

Related posts

Ndryshime ligjore për monopolin e Postës në shërbimet postare të rezervuara deri në fund të vitit 2023

Gazeta Max

Një fëmijë gjashtë vjeçar mbytet në lumin Shkumbin në Tetovë

Gazeta Max

Zëvendës drejtori Ademi merr pjesë në Debatin publik për draft-versionin e Ligjit për revizion shtetëror

Gazeta Max