Shkup, 20 tetor – Organizimi i shkollave të mesme duhet të rregullohet ligjërisht sipas shembullit të organizimit të studentëve në arsimin e lartë. Iniciativa për ndryshime në Ligjin për Arsimin e Mesëm në fushën e organizimit të shkollave të mesme i takon Sindikatës së shkollave të mesme dhe sot ishte në debat publik në Kuvend, organizuar nga Klubi parlamentar për Çështje dhe Politika Rinore.
Kryetarja e Klubit, deputetja Monika Zajkova, tha se qëllimi është që të shqyrtohet mundësia me ligj që shkollat të obligohen të kenë një Sindikatë përfaqësuese të gjimnazistëve në mënyrë që siç tha ajo të mos përzihen partitë dhe politika në organizimin e shkollave të mesme.
Në debat morën pjesë nxënës të shkollave të mesme dhe përfaqësues të shoqatave dhe institucioneve rinore nga fusha e arsimit për të diskutuar zgjidhjet që do të rregullojnë dhe garantojnë pjesëmarrjen e shkollave të mesme dhe me sugjerimet e tyre ata mund të përmirësojnë draft tekstin e shkruar nga Luka Paviqeviq kryetar i Lidhjes së nxënësve të shkollave të mesme.
Zajkova theksoi se pas debatit do të formohet një grup punues dhe, siç tha ajo, për shkak se ndonjëherë proceset shkojnë ngadalë në Kuvend, ideja është që të mos pritet gjithë ligji i ri për arsimin e mesëm, por aty ku është e mundur, të ndërhyjnë me ndryshime në pjesë të caktuara të ligjit ekzistues, veçanërisht për rregullimin e organizimit të shkollave të mesme.
Sipas udhëheqësit të shkollave së mesme Paviqeviq, zgjidhja ligjore është revolucionare sepse që nga miratimi i Ligjit për arsimin e mesëm e deri më tani “askush nuk e ka gjetur të përshtatshme që të rregullojë organizimin e shkollave të mesme në ligj”.
Dy pikat më të rëndësishme në propozim, theksoi ai, janë që për herë të parë gjimnazistët do të njihen si qytetarë të barabartë dhe do t’u sigurohet mënyra për t’u përfshirë aktivisht në jetën publike.
Diskutimi publik, pas iniciativës së Lidhjes së nxënësve të shkollave të mesme u organizua nga Klubi Parlamentar për Çështjet Rinore në bashkëpunim me Institutin për Qeverisje të Mirë dhe Perspektiva Euro-Atlantike, me mbështetjen e Fondacionit për Demokraci Vestminster
