GazetaMax
Lajme

“Jeta e qytetarëve është vështirësuar”, LDK-ja del me 3 propozime për Qeverinë Kurti

Deputeti i Lidhjes Demokratike të Kosovës, Avdullah Hoti, në seancën e Kuvendit të Kosovës ka kritikuar Qeverinë e Kosovës për vonesa në subvencione, derisa ka thënë se jeta e qytetarëve po vështirësohet.
Hoti, në Kuvend, ka shpalosur 3 propozime për Qeverinë.
“Janë 3 probleme që e kanë vështirësuar jetën e qytetarëve. Kriza energjetike, kriza me çmime, dhe lufta në Ukrainë. Për shkak të këtyre problemeve, jeta e qytetarëve është duke u vështirësuar. Secilës familje u janë rritur kostot e jetesës, nga 150 në 200 euro në muaj. Është e pashmangshme të dizajnohen pakot e ndihmës. Kriza sociale është e madhe. Vonesat vetëm po shtojnë problemet e famljes”, tha Hoti.

Hoti ka dhënë 3 propozime, në emër të LDK-së, për Qeverinë e Kosovës.
“Masa 1 – të bëhet indeksimi i të gjitha skemave të ndihmave sociale, së paku për të mbulaur çmimet e produkteve ushqimore bazike. Masa 2 subvencionet në bujqësi. Rritja e kosotove të produkteve bujqësore është rritur. Kemi verifikuar këtë në terren. Ftoj qeverinë të konsiderojë rritjen e menjëhershme të subvencioneve në bujqësi. Edhe kjo mbulon 1/3 e familjeve në vend. Masa 3 është t’i ktheheni debatit për pagën minimale. Duhet rritur sa më parë paga minimale, në mënyrë që sektori publik dhe privat ta ndjejë rritjen. Të gjitha këto masa janë të përballueshme për buxhetin e shtetit”, u shpreh Hoti.

Related posts

Vuçiq pretendon se dikush po planifikon vrasjen e tij

Gazetamax.mk

Bytyqi: Çdo vend i Ballkanit Perëndimor është vlerë e shtuar për rajonin tonë

Gazetamax.mk

Dedivanaj dhe Sinishtaj do të marin pjesë në Lutjet e Mëngjesit në Uashington: “Përmes këtyre evenimenteve shkëmbejmë përvoja dhe këshilla,për faktorizimin politiko-global të kombit tonë”

Gazetamax.mk