Juventusi do ta tentojë Depayn edhe në janar

Skuadra e Juventusit është e interesuar që të nënshkruajë me sulmuesin e Barcelonës, Memphis Depay.
Holandezi nuk është një njohje e re për “Zonjën e Vjetër” të cilët e kërkuan lojtarin edhe në verën që lamë pas.
Marrëveshja, siç dihet, nuk ndodhi për shkak të pagës që kërkoi ish-lojtari i Manchester United.
Gjithsesi, siç raporton Diario, “bardhezinjtë” do të rifuten në bisedime për ta gjetur një “mes” në lidhje me koston e këtij afrimi.
Depay nuk po i gjen minutat e dëshiruara me Barcelonën dhe po e shqyrton seriozisht largimin.