Tetovë, 24 nëntor – Prof. dr. Kushtrim Ahmeti është zgjedhur ushtrues i detyrës, rektor i Universitetit të Tetovës. Kjo është vendosur në mbledhjen e sotme të Senatit të UT-së.
Poashtu, në këtë mbledhje, në pajtim me Ligjin për arsimin e lartë, Statutin e Universitetit, aktet ligjore, nënligjore dhe aktet e tjera të brendshme të Universitetit, prof. dr. Vullnet Ameti është zgjedhur kryetar i Senatit të Universitetit të Tetovës.
Në mbledhjen e Senatit, po ashtu u diskutuan edhe çështje të tjera që kanë të bëjnë me ecurinë e përgjithshme të veprimtarisë arsimore – shkencore të Universitetit gjatë këtij viti akademik, thuhet në kumtesën e UT-së.
