Zjarri mbi fshatin Llojan, Komuna e Likovës, është lokalizuar dhe pjesërisht i shuar. Drejtori i Qendrës për Menaxhim me Kriza, Muhamed Ali ka njoftuar se fshati është plotësisht i mbrojtur, ndërsa intensiteti i djegies në pyllin me pisha është zvogëluar ndjeshëm.
Në aksion morën pjesë helikopteri i MPB-së, zjarrfikësit e Kumanovës, ekipet e Pyjeve Kombëtare dhe qytetarët, duke ndihmuar në kufizimin e zjarrit.
“Si drejtor i Qendrës për Menaxhimin e Krizave, koordinova personalisht aktivitetet në terren, duke siguruar bashkëpunim mes institucioneve dhe reagim të shpejtë për mbrojtjen e qytetarëve dhe pronës së tyre. Faleminderit të gjithë pjesëmarrësve për angazhimin profesional dhe përkushtimin”, tha Ali.
