Tri projektet e organizatave CIRCO, FEIT dhe INO TEH CLUB, të cilat u përzgjodhën për bashkëfinancim në kuadër të sfidës së #FIZHT-së, sot nënshkruan kontratën përmes së cilës do të sigurojnë qasje në teknologji moderne për nxënësit e shkollave të mesme dhe të rinjtë.
Drejtori Festim Halili me këtë rast theksoi se i gëzohet shumë rastit që të rinjtë nga vendi do kenë mundësi të realizojnë inovacione për aftësitë e tyre.
“Më gëzon që shumë të rinj nga i gjithë vendi do të kenë mundësinë t’i zhvillojnë inovacionet dhe aftësitë e tyre në kushte të reja dhe më të mira. Për ne si institucion që mbështet në vazhdimësi kreativistët, është e një rëndësie të madhe që industria, njësia akademike, publiku dhe shoqëria civile do të bashkëpunojnë edhe më intensivisht falë këtyre projekteve”, ka theksuar drejtori Halili me rastin e nënshkrimit të kontratave.
Për shkak të numrit të madh të projekteve cilësore, buxheti fillestar prej 9 milionë denarë është rritur në mënyrë që financimi nga Fondi është 12 milionë denarë dhe institucionet e mbështetura do të investojnë rreth 2,5 milionë denarë mjete vetanake.
