Në lagjen Fushë Topanë është realizuar një projekt i ri urban, ku një hapësirë e lënë pas dore është shndërruar në mbi 30 vende të reja parkimi për banorët.
Ky investim sjell rend, lehtësi dhe siguri për përditshmërinë e qytetarëve, duke u mundësuar atyre një zgjidhje praktike për një nga problemet më të shpeshta të përditshmërisë urbane – mungesën e parkimit.
“Ky është një shembull konkret se si Çairi fiton kur çdo hapësirë vihet në shërbim të qytetarëve. Ne nuk ndalemi tek idetë, i kthejmë ato në zgjidhje të prekshme, që sot i shihni dhe i përdorni,” theksoi Mexhiti.
Projekti shihet si pjesë e një vizioni më të gjerë për ta bërë Çairin një komunë më funksionale, më të organizuar dhe më të përshtatshme për jetën e përditshme të banorëve.
