GazetaMax
Ballina

Mexhiti: Kanali dhe çerdhja në Hasanbeg po bëhen realitet

Zv.kryeministri i parë Izet Mexhiti, ka paralajmëruar se janë pranë përfundimit projektet per kanalin dhe çerdhen në Hasanbeg.

“Një premtim i pambajtur prej vitesh nga qeveritë e kaluara tani po bëhet realitet! Hasanbegu më në fund do të ketë kanalin e ujërave atmosferike dhe çerdhen publike që i është premtuar prej kohësh, dhe që nuk është realizuar kurrë.

Sot, së bashku me Kryetarin e Kuvendit Afrim Gashi, ministrin e Punës Sociale, Demografisë dhe Rinisë Fatmir Limani dhe kryetarin e Komunës së Gazi Babës Boban Stefkovski ishim në Hasanbeg për të dëshmuar se punimet do të fillojnë dhe se kjo zonë nuk do të mbetet më në harresë. Vonesat kanë kushtuar shumë, por tashmë është koha për veprim!

Të mos harrojmë: vërshimet e tmerrshme të vitit 2016 morën 23 jetë njerëzish dhe shkatërruan shtëpi, toka e biznese. Por qeveria e asaj kohe nuk mori masat e nevojshme për të parandaluar tragjedi të ngjashme në të ardhmen. Mungesa e kanalit të duhur ishte një nga faktorët kryesorë të dëmeve katastrofike. Tani, ky gabim do të korrigjohet!

Ky investim i rëndësishëm në vlerë 38 milionë denarë, do të mundësojë ndërtimin e kanalit me një gjatësi prej 1350 metrash dhe një gjerësi nga 4 deri në 10 metra, varësisht nga afërsia e shtëpive. Ky projekt nuk është thjesht një ndërhyrje infrastrukturore, por një angazhim për sigurinë, jetën dhe dinjitetin e banorëve të Hasanbegut.

Ky projekt do të realizohet me mbështetjen e Ministrisë së Mjedisit Jetësor dhe Planifikimit Hapësinor, në bashkëpunim me Komunën e Gazi Babës, duke shënuar një hap të rëndësishëm drejt drejtësisë dhe sigurisë për banorët e kësaj zone.

Në të njëjtën kohë, një tjetër nevojë e kahershme po përmbushet: ndërtimi i çerdhes publike në Hasanbeg. Për vite me radhë, prindërit janë përballur me mungesën e një çerdheje afër shtëpive të tyre, duke u detyruar të gjejnë zgjidhje të vështira për kujdesin e fëmijëve. Tani, kjo sfidë do të marrë fund. Do të ndërtohet një ambient modern, i sigurt dhe i dashur për fëmijët, ku ata do të marrin kujdesin e duhur, ndërsa prindërit do të kenë më shumë lehtësi e fëmijët më shumë siguri në përditshmërinë e tyre.

Bashkë, për ta zhvilluar Hasanbegun!”, ka shkruar Mexhiti.

Related posts

Sot shënohet Dita e Bibliotekës “Ernest Koliqi”, që gjendet në Katedralen Shën Nën Tereza në Prishtinë, me rastin e 120-vjetorit të lindjes së veprimtarit të shquar. Organizimi mbahet në Qendrën “BogdaniPolis”, në orën 12. Ernest Koliqi ka qenë poet, eseist, dramaturg, romancier, përkthyes, gazetar dhe kontribuues i madh i arsimit shqip në Kosovë. Koliqi lindi në Shkodër më 20 maj 1903 dhe vdiq në Romë më 15 janar 1975. Bashkë me Mitrush Kutelin konsiderohet si themelues i tregimit modern shqiptar, me përmbledhjet “Hija e Maleve”, Tregtar Flamujsh” dhe “Pasqyrat e Narçizit”. Më 1939, pas pushtimit të Shqipërisë nga Italia, Koliqi u emërua ministër i Arsimit. Koliqi e drejtoi Katedrën e Gjuhës dhe Letërsisë Shqipe në Romë, mbi bazën e së cilës në vitin 1057 u ngrit Instituti i Studimeve Shqiptare.

Gazeta Max

Pak ditë pas ndarjes nga i dashuri, kështu po relaksohet Adriana

Gazeta Max

Nëse nënat nuk ushqejnë me gji sa duan, mund të preken nga depresioni

Gazeta Max