GazetaMax
Lajme

Ministri Osmani takoi ambasadoren e re amerikane, Angela Prajs Ageler

Shkup, 7 nëntor – Ministri i Punëve të Jashtme, Bujar Osmani, realizoi takim me ambasadoren e sapoemëruar të SHBA-së, Angela Prajs Ageler, me rastin e dorëzimit të kopjeve të letrave kredenciale.

Në takim, Ministri Osmani shprehu bindjen se me përvojën e saj, ambasadorja Ageler do të kontribuojë në thellimin e mëtejshëm të marrëdhënieve bilaterale dhe forcimin e bashkëpunimit.

Në kontekst dypalësh, bashkëbiseduesit përshëndetën zhvillimin e marrëdhënieve të përgjithshme, të bazuara në miqësi tradicionale dhe vlera të përbashkëta demokratike.

Osmani i theksoi rezultatet fillestare të Dialogut Strategjik me SHBA-të, si kapitull i ri në marrëdhëniet bilaterale dhe ngritjen e partneritetit strategjik, si dhe përkushtimin për të përcaktuar aktivitetet e ardhshme që synojnë nxitjen e mëtejshme të proceseve reformuese dhe zhvillimit demokratik të shtetit.

Gjithashtu, Osmani falënderoi për ndihmën e vazhdueshme amerikane për procesin tonë integrues evropian, si një kontribut i rëndësishëm në ruajtjen e stabilitetit dhe progresit të përgjithshëm rajonal.

Njëherit, u fol për aleancën e fortë mes dy vendeve në kuadër të NATO-s, me theks të veçantë për agresionin ushtarak rus në Ukrainë, si dhe për kryesimin e ardhshëm të Maqedonisë së Veriut me OSBE-në në vitin 2023.

Related posts

Krahas qenve endacakë, qytetarët në Prishtinë në hall dhe me sorrat

Gazeta Max

Klinika për hematologji do të shndërrohet në qendër rajonale për mjekim të sëmundjeve më të rënda të gjakut

Gazeta Max

Kreu i BDI-së Ahmeti nga Vlora kujton demonstratat studentore

Gazeta Max