Ministri i Punëve të Jashtme dhe i Tregtisë së Jashtme, Timço Mucunski, sot do të qëndrojë për një vizitë pune në Bruksel.
Në kuadër të vizitës, siç informoi kabineti i tij, janë planifikuar takime me komisioneren evropiane për zgjerim të BE-së, Marta Kos, si dhe me drejtorin e përgjithshëm të Drejtoratit të Komisionit Evropian për zgjerim dhe fqinjësi lindore, Gert Jan Kopman.
Në takime, sipas njoftimit, do të diskutohet për tema që lidhen me agjendën evropiane të Maqedonisë së Veriut, agjendën reformuese të vendit dhe hapat e mëtejmë në procesin e anëtarësimit në BE.
