Shkup, 21 Tetor – Drejtori i Agjencisë së Zbulimit, Erold Musliu në paraqitjen e tij në emisionin “360 Gradë” në Alsat shprehet i kënaqur me gjendjen momentale të ndërlidhur me reformat në sektorin e sigurisë dhe kundërzbulimit, duke shtuar se gjithnjë ka vend për përmirësime.
“Nga aspekti ligjor reformat janë të suksesshme. Janë zbatuar të gjitha rekomandimet dhe vlerat të cilat i posedojnë shërbimet evropiane të sigurisë. Normalisht, asnjë ligj nuk është perfekt, gjithnjë ka vend për më mirë, por në përgjithësi, unë si drejtor i Agjencisë së Zbulimit jam i kënaqur me gjendjen momentale”, deklaroi Erold Musliu, drejtor i Agjencisë së Zbulimit.
