GazetaMax
Lajme

Narendra Modi betohet si kryeministër i Indisë për herë të tretë

Narenda Modi, lideri i partisë nacionaliste hinduse, Bharatiya Janata, është betuar si kryeministër i Indisë për herë të tretë.

Ceremonia është zhvilluar në rezidencën zyrtare të presidentit të Indisë.

Partia e Modit i ka fituar zgjedhjet e përgjithshme të Indisë, duke siguruar 293 ulëse në Parlament, por më pak sesa ishte parashikuar nëpër sondazhe.

Në këto zgjedhje është forcuar opozita në Indi, e cila i ka fituar 234 ulëse.

Mijëra persona kanë marrë pjesë në ceremoninë e inaugurimit të Modit, në Delhi.

Aty kanë shkuar edhe krerë shtetërorë prej Bangladeshit, Nepalit, Shri Lankës dhe Maldiveve.

Masat e sigurisë kanë qenë të rrepta – në zonën e inaugurimit kanë qenë 2.500 zyrtarë policorë.

Përgjatë ceremonisë, presidentja indiane, Draupadi Murmu, e ka udhëhequr edhe ceremoninë e betimit të kabinetit të Modit.

Modi i falënderuar votuesit për mandatin e ri dhe ka thënë se do të bëjë gjithçka për të zhdukur korrupsionin dhe varfërinë./REL

Related posts

Shqiptarët “lamtumirë” Anglisë! Ulje drastike në azil-kërkim, zbulohet sa viza u aprovuan në 2024

Gazeta Max

Çështjet mjedisore nuk duhet të jenë asnjëherë dytësore, mbrojtje e parkut më të madh ndërkufitar në Evropë!

Gazeta Max

Sotir Lukrovski kandidat i VMRO për Karposh: Me dashuri, me punë, ndershmëri dhe afërsi për çdo qytetar

Gazeta Max