Nënkryetari i BERZH-it Bouman në Shkup në takime me Kovaçevskin, Besimin dhe komunitetin bankar

Shkup, 28 prill – Nënkryetari i Bankës Evropiane për Rindërtim dhe Zhvillim (BERZH) për Politikë dhe Partneritet, Mark Bouman, sot dhe nesër do të qëndrojë për vizitë në vend, gjatë së cilës do të takohet me kryeministrin Dimitar Kovaçevski dhe ministrin Fatmir Besimi, si dhe me përfaqësues të institucioneve qeveritare dhe sektorit bankar privat dhe investitorë.

Bouman dhe Drejtori i Përgjithshëm i BERZH-it për Institucionet Financiare, Francis Maliz do të drejtohen në një konferencë kushtuar bankave qendrore të organizuar nga Banka Kombëtare e Maqedonisë së Veriut dhe Banka Evropiane e Investimeve (BEI).

BERZH është investitori kryesor institucional në Maqedoninë e Veriut dhe deri më sot ka investuar mbi 2.2 miliardë euro në 159 projekte në vend. Mbështetja e energjisë së gjelbër është një prioritet i Bankës, e cila përballet me një nga sfidat më të mëdha të vendit – dekarbonizimin e ekonomisë.

Për këtë qëllim të planifikuar, Banka ka bërë investime të shumta në rrjetin elektrik dhe burimet e reja energjetike, duke e bërë vendin më të pavarur dhe më rezistent. Projekti i radhës është një plantacion fotovoltaik diellor 10 megavat i ndërtuar në boshtin e minierës së vjetër të qymyrit në Oslomej. Projekti financohet nga BERZH, BE dhe donatorë të tjerë ndërkombëtarë dhe do të vijojnë kapacitetet e tjera për prodhimin e energjisë diellore në zonë, si dhe fotovoltaikët solare 30 megavat në Manastir.

BERZH dhe BE po ndihmojnë për të forcuar rrjetin elektrik dhe për ta lidhur atë me rrjete të tjera rajonale. Një nënstacion i ri i energjisë elektrike po ndërtohet në Ohër, i financuar nga BERZH dhe BE. Përmes interkonjektorit të ri do të ketë rritje të rrjetit të Maqedonisë së Veriut, lidhje moderne me Shqipërinë, Greqinë, Bullgarinë, Malin e Zi dhe Italinë. Projekti është faza përfundimtare e nismës së BE-së për të krijuar një korridor lindje-perëndim të transmetimit të energjisë elektrike ndërmjet këtyre vendeve.

Për të përmirësuar qëndrueshmërinë e sektorit privat dhe financiar, BERZH ka zhvilluar udhëzime të reja për kompanitë në lidhje me raportimin e tyre mbi qeverisjen e aspekteve ekologjike, sociale dhe qeverisëse.

Projektet e investimeve në vend, të cilat aktualisht janë duke u shqyrtuar për financim, përfshijnë rrjetin kryesor rrugor evropian – një autostradë me katër korsi nga Shkupi në kufirin e Kosovës, përmirësimin e menaxhimit të mbetjeve të ngurta dhe një numër linjash kreditimi për efikasitet energjetik për bankat lokale, të cilat do të japin kredi për ndërmarrjet e vogla dhe të mesme. Huatë e BERZH-it do të plotësohen me grante nga BE-ja, qeveria zvicerane dhe donatorë të tjerë ndërkombëtarë.

Të fundit në përqindje