GazetaMax
LAJME

Nënkryetari Mariupolit,: S’ka ushqim për fëmijët, njerëzit po vdesin për ujë e bukë

Ukraina po vazhdon të përballet me mungesa elementare për shkak të luftës me Rusinë.
Nënkryetari i qytetit të pushtuar ukrainas, Mariupol, ka thënë se qytetarët kanë nisur të vdesin si pasojë e urisë dhe dehidrimit, pasi që furnizimet me ushqim dhe ujë po harxhohen ndërkohë që ndihmat humanitare nuk lejohen nga rusët.
“Disa po vdesin nga dehidrimi dhe mungesa e ushqimit. Disa nga mungesa e ilaçeve, insulinës… sepse s’ka ndihmë mjekësore”, ka thënë nënkryetari Sergey Orlov për BBC-në, transmeton Gazeta Express.Nënkryetari i Mariupolit ka thënë se më së vështiri këtë situatë e përjetojnë fëmijët.
“Disa nëna nuk kanë as qumësht e as ushqim për fëmijët e tyre. Çfarë duhet të bëjnë me foshnjat e tyre? Nuk e di. S’ka fare ushqim për fëmijët në qytet”, ka thënë Orlov me shqetësim.
Mariupoli ka përjetuar sulme shkatërruese nga forcat ruse që nga ditët e para të luftës. Fotografitë që tregojnë rrënojat e lagjeve të tëra, dëshmojnë tragjedinë që i ka ndodhur qytetit.
70% e spitaleve janë shkatërruar si pasojë e bombardimeve si dhe komunikimi është i vështirë, pasi që rrjeti telefonik është ndërprerë. Banorët kalojnë shumicën e kohës së tyre në strehimore apo bodrume, pa rrymë, ujë e gaz.
“Njerëzit kërkojnë mundësi për të mbijetuar. Ata po i japin ushqime njëri-tjetrit dhe po mbledhin drunj nëpër rrugë për të gatuar në rrugë”, ka thënë Orlov. Sipas vlerësimeve, më shumë se 100 mijë qytetarë kanë mbetur të kurthuar në këtë qytet.
Një pjesë e konsiderueshme e banorëve ia kanë arritur të ikin nga qyteti me automjetet e tyre private.

Related posts

Xhaferi – Dashtevski: Zgjedhje të drejta sipas vlerave evropiane dhe kontribut në përparimin drejt BE

e-max

BDI: Zgjedhje demokratike në degë me parimin një anëtar, një votë

e-max

Filloi dialogu social për marrëveshje të re të përgjithshme kolektive me rritjen e përfshirë të pagave për të gjithë në sektorin publik

e-max