“Nuk do të bëjmë asnjë propozim tjetër”, drejtori i Juventusit konfirmon largimin e Dybalas

Date:

Konfirmohet edhe nga drejtori i Juventusit, Dybala do të largohet si lojtar i lirë në afatin e verës
Paulo Dybala do të largohet nga Juventusi gjatë afatit kalimtar të verës. Kjo tanimë është konfirmuar edhe nga drejtori ekzekutiv i klubit, Maurizio Arrivabene.
Sulmuesi argjentinas nuk do të nënshkruajë kontratë të re me “Zonjën e Vjetër” dhe do të largohet si lojtar i lirë.
“Ndryshimi më i rëndësishëm është se Juventusi nuk ka rinovuar kontratën me Paulo Dybala. Me blerjet e bëra në janar, me ardhjen e Vlahovicit, pozicioni i Paulos nuk ishte më në qendër të projektit. Prandaj preferohej ky lloj vendimi”, tha Arrivabene.

“Parametrat ishin të ndryshëm, unë kisha folur tashmë për këtë, askush nuk e ka vënë në dyshim aftësinë e Paulos. Ne i bëmë zgjedhjet tona në janar, arritëm këtu. Do të kishte qenë e lehtë për Juventusin të bënte një ofertë të ulët, por do të kishte qenë mungesë respekti ndaj Paulos. Vendimi është marrë. Takimi i sotëm ishte miqësor, i qartë dhe me respekt”, shtoi drejtori i klubit italian.
Dybala tani ka disa muaj për të planifikuar të ardhmen e tij përpara së të largohet nga “Allianz Stadium”.
28-vjeçari ka qenë shumë i lidhur me një transferim te Interi. Por, një transferim në Spanjë apo Angli nuk përjashtohet gjithashtu.
Barcelona, Tottenham Hotspur, Liverpool e Manchester United thuhet se janë klubet e interesuara për shërbimet e ish-futbollistit të Palermos.

e-max
e-maxhttp://gazetamax.mk
www.gazetamax.mk

SHPËRNDAJE

TË FUNDIT

Lajme të ngjashme
Lajme

E keni dëgjuar super bashkëpunimim ” Oda në Gyrbet” nga Besim Zeqiri e Muhamet Gashi?

Ata janë artistë të njohur të folkut shqiptar, me...

Njihuni me Bajrush Berisha që solli në Ramazan “Mirësevjen Dashuri”

Ai është vetëm 22 vjeç por që kur ka...

Grubi: Ftoj edhe VMRO-në të kontribuojë në ndërtimin e Maqedonisë europiane

Në fjalimin e tij në foltoren e Kuvendit të...

Flamur Rudi djali nga Prizreni që mendon për atmosferën e shqiptarëve në Gjermani

Ai është një djalosh bukurosh me origjinë nga Prizreni...