Pasi preku majat e boksit botëror, kampioni i peshave të rënda, Oleksandr Usyk nuk lë dorezat, madje fokusohet edhe tek futbolli. 36-vjeçari ka fituar një kontratë si profesionist me një prej skuadrave ukrainase, duke firmosur për me një sezon.
Fituesi i medaljes së artë olimpike në Lojërat Olimpike të Londrës në vitin 2012 do të jetë pjesë e klubit të Polissay që merr pjesë në elitën e futbollit të Ukrainës. Usyk do të veshë fanellën me numrin 17, ndërsa do të luaj si sulmues anësor. Boksieri ka qenë shpesh pjesë e kësaj skuadre në të shkuarën, duke luajtur në disa ndeshje miqësore dhe dhuruar paraqitje të mira.
Gjithsesi, fokusi do jetë edhe në ring, aty ku 36-vjeçari po përgatitet për sfidën e radhës. Më 26 gusht, ai do të ndeshet me britanikun, Daniel Dubois, në Poloni, e ku në diskutim do jenë tre titujt që Usyk zotëron, rripat e WBA, IBF dhe WBO. Boksieri ka një bilanc tejet pozitiv në ring, prej 20 fitoresh dhe pa humbje, 13 prej të cilave me nokaut teknik.
