Shkup, 15 dhjetor – Gjithmonë mund të konsideroni në miqësinë tonë dhe gjithmonë mund të konsideroni në mbështetjen tonë, porositi shefi i diplomacisë greke, Nikos Dendiasi, ndërsa megjithatë ministri i Punëve të Jashtme i Maqedonisë së Veriut Bujar Osmani, theksoi se marrëdhëniet ndërmjet dy vendeve paraqesin një shembull të vërtetë për fqinj të mirë dhe shembull se si të ndërtohet një partneritet i qëndrueshëm dhe afatgjatë, i bazuar në besim dhe respekt reciprok, lajmëroi korrespondentja e MIA-s nga Athina.
Dendiasi dhe Osmani u takuan sot në PJ-së greke, takim në të cilin u konfirmuan marrëdhëniet e shkëlqyera dypalëshe në të gjitha fushat, u përqendruan edhe mundësitë për thellim të mëtejshëm dhe u shpreh dhe një herë mbështetja greke për perspektivën e BE-së të vendit tonë.
Në fokus të bisedimeve ishte presidenca e ardhshme me OSBE-së të Maqedoninë e Veriut, për të cilën Dendiasi shprehu bindje se do të jetë e suksesshme dhe shprehu mbështetje të plotë, ndërsa Osmani u përqendrua në rëndësinë e rolit të OSBE-së për paqe dhe stabilitet.
Shefi i diplomacisë greke theksoi se Greqia është partneri më i afërt i Maqedonisë së Veriut në rajon pa agjenda të fshehura.
Ministri i Punëve të Jashtme i Maqedonisë së Veriut e përmendi edhe bashkëpunimin ekonomik dhe sa është rritur ai në vitet e fundit, duke theksuar se shkëmbimi tregtar pas marrëveshjes është rritur për 100 për qind.
Të dy ministrat në deklaratat pas takimit u përqendruan edhe në invadimin rus në Ukrainë, Dendias i përmendi edhe marrëdhëniet e Greqisë me Egjiptin dhe Turqinë, duke thënë se do ta informojë Osmanin gjatë drekës për retorikën turke në Detin Egje dhe në Mesdheun Lindor.
Dendiasi dhe Osmani, pas deklaratave për mediat, bisedimet i vazhduan në një drekë pune.
