Shkup, 18 tetor – Presidenti i shtetit Stevo Pendarovski sot e priti zëvendëskryeministren dhe ministre e Punëve të Jashtme të Sllovenisë, Tanja Fajon, e cila qëndron për vizitë në vend, informon shërbimi për shtyp i shefit të shtetit.
Presidenti Pendarovski u falënderua për mbështetjen e fuqishme sllovene në integrimet e Maqedonisë në Bashkimin Evropian. Bashkëbiseduesit kanë ndarë mendime dhe informata për raportin e Komisionit Evropian dhe vlerësuan se ai është një udhërrëfyes i qartë për zbatimin e mëtutjeshëm të reformave vendore.
Në takim është biseduar edhe për sfidat e krizës energjetike dhe ekonomike, luftën në Ukrainë, si dhe bashkëpunimin rajonal, perspektivën evropiane dhe euroatlantike të Ballkanit Perëndimor
