Shkup, 9 nëntor – Sipas të dhënave të fundit të Entit Shtetëror të Statistikave, inflacioni në tetor ishte 19.8 për qind, ndërsa produktet ushqimore u shtrenjtuan mesatarisht për 30 për qind në vetëm një vit. Kjo nënkupton se qytetarët e kanë më të vështirë t’i mbijetojnë muajit për shkak të rritjes enorme të çmimeve. Nga dy deri në 15 mijë denarë është vlera e humbur në buxhetin familjar. Nëse nuk ka reagim të menjëhershëm nga Qeveria, masa kundër krizës dhe rritje pagash, vendi do të mbetet pa të rinj, pa punëtorë dhe në varfëri, shkruan, Zhurnal.mk
Gjysma e qytetarëve jetojnë në prag të varfërisë
Qytetarët e kanë gjithnjë e më të vështirë për t’ia dalë mbanë në fillim të muajit dhe rrogën e ardhshme. Vrima në buxhetin e familjes po bëhet më e madhe dhe më e thellë nga muaji në muaj.
Fatkeqësisht një numër në rritje i qytetarëve në vend jetojnë në prag të varfërisë ose në varfëri. Rrogat që marrin punonjësit kanë humbur vlerën me 20 për qind për shkak të inflacionit. Fakti është se në Maqedoninë e Veriut nuk jeton më me pagë minimale apo mesatare. Ajo që llogaritet si kosto minimale është më e mjera. Njerëzit mezi ia dalin mbanë me këto të ardhura. Për një vit shporta e konsumit minimal është rritur për 17 mijë denarë. Kjo i i bie si një rrogë që nuk e kemi. Aktualisht rreth 120.000 qytetarë marrin pagën minimale dhe rreth 100.000 janë mes pagës minimale dhe mesatare. Kjo do të thotë se pothuajse gjysma e qytetarëve në vend jetojnë në mjerim dhe në prag të varfërisë.
Të gjitha paratë shkojnë për ushqim
Shporta minimale e konsumit është vlerësuar në 51.500 denarë, ndërsa nëse kemi parasysh se paga minimale është 18 mijë denarë, atëherë një familje katër anëtarëshe ku të dy prindërit marrin pagë minimale i mungojnë edhe 15.500 denarë që të mund të mbulojë dhe plotësojë nevojat elementare. E edhe nëse të ardhurat në familje janë një pagë mesatare dhe një pagë minimale, do të ketë mungesë të mjeteve prej gati dy mijë denarë.
Nëse shikoni shportën minimale sipas artikujve, mund të shihni se disa prej tyre janë jorealiste dhe janë shumë më të larta. Shporta parasheh 796 denarë nga buxheti familjar për shërbime shëndetësore ose 2.246 denarë për veshje dhe këpucë. Gjithashtu në shportë nuk ka asnjë kredit, diçka që një numër i madh qytetarësh në vend duhet ta përballojnë çdo muaj.
Në shportë janë pretendimet më minimale dhe jocilësore të punonjësit. Të mund të blesh të paktën një rrobë të lirë nga tregu në një muaj. E dimë se pa 1500 denarë nuk mund të hysh në farmaci vetëm për vitamina. Këtu nuk përfshihen të sëmurët kronikë. Këtu llogariten vetëm barnat bazë. Kjo shumë nuk është e mjaftueshme. Nuk ka asnjë shkollim, fakultet apo kreditë në shportë. Shporta është një imazh i asaj që konsiderohet më minimalja.
Çmimet reale janë rritur mbi 20 për qind
Çmimet reale në tregje thonë se është shtrenjtuar mbi 20 për qind, rritja e çmimit të energjisë elektrike do të jetë një goditje shtesë për qytetarët dhe nuk dihet deri ku do të shkojë kështu, duke pasur parasysh se Qeveria ka pasur një qëndrim deri diku injorant ndaj qytetarëve.//Zhurnal.mk
Rritja e pagës minimale duhet të ndjekë trendin e inflacionit, pra urgjentisht të realizohet që ishte premtuar të ndodhë në shtator, përkatësisht ngritja e pagës minimale në 18.6 për qind të të gjitha pagave.
Nëse s’ka masa urgjente – qytetarët do të jetojnë në mjerim
Maqedonia e Veriut është lider për sa i përket normës më të lartë të inflacionit në rajon. Norma e inflacionit në Slloveni është pothuajse dy herë më e ulët, pra 10%. Inflacioni në ushqime dhe pije është 32.4% në Maqedoninë e Veriut dhe 17% në Slloveni, por pagat janë dy herë më të larta në Slloveni. Krahasimi është i njëjtë me Serbinë, ku inflacioni është 14 për qind dhe në Kroaci 12.8 për qind. Më keq se Maqedonia e Veriut në Evropë janë Hungaria, Letonia, Estonia, Lituania, Ukraina, Moldavia dhe Turqia.
Maqedonia e Veriut ka inflacion dyshifror për herë të parë që nga vitet e nëntëdhjeta, ndërsa kostoja e jetesës, është më e larta në 10 vitet e fundit. Nëse në vitin 2012 paga mesatare neto ishte 21.031 denarë, inflacioni 5,3 për qind, shporta sindikaliste 31.989 denarë, 10 vjet më vonë paga mesatare është pak më shumë se 31 mijë denarë, ndërsa një familje katër anëtarëshe ka nevojë për mbi 51 mijë denarë për të jetuar.
Nëse nuk merren masa urgjente, emigracioni i të rinjve dhe popullsisë së aftë për punë do të rritet edhe më shumë. Këto të dhëna shkatërruese kanë bërë që një pjesë e madhe e të rinjve dhe qytetarëve të largohen përgjithmonë nga vendi. Maqedonia e Veriut nuk është më atraktive as për punëtorët e huaj, që mund ta kompensojnë këtë forcë punëtore. Alarmi për mënyrën e mbajtjes dhe pagesës së punëtorëve është ndezur dne nuk mund të jetë një justifikim se ka një krizë botërore. Në fund të fundit këtë e ndjejnë vetëm punëtorët, jo deputetët dhe ministrat me të ardhurat dhe përfitimet e tyre. Prandaj duhet sa më shpejt qeveria të bëjë diçka për punëtorin sepse në të kundërtën vendi do të zbrazet i tëri, ose do të rebelohet e ngritët në këmbë kundër pushtetit!
