Kumanovë, 17 tetor – Pjesëtarët e Komandës për operacione (KO) sot me solemnitet ushtarak në kazermën e Kumanovës “Boro Menkov” do ta shënojnë ditën e njësitit.
Si pjesë e ceremonisë ushtarake, para të pranishmëve fjalime do të kenë shefi i Shtabit të Përgjithshëm të Armatës, gjeneral-nënkoloneli Vasko Gjurçinovski dhe komandanti i KO-së gjenerali i brigadës, Besnik Emini.
Në solemnitet pritet të marrin pjesë edhe zëvendësministri i Mbrojtjes Bashkim Hasani, zëvendësshefi i Shtabit të Përgjithshëm, gjeneralmajor Azim Nuredin, përfaqësues nga kabineti i presidentit të shtetit, gjeneralë në Armatë, ish-komandantë të kësaj njësie, komandanti i SIBRIG, përfaqësues të Ministrisë së Mbrojtjes, nga vetëqeverisja lokale dhe institucionet me të cilat bashkëpunon kjo komandë.
Si dita e Komandës për operacione është caktuar 17 tetori, si një nga ngjarjet në të rëndësishme historike ndaj të cilave bazohen traditat në Armatë, kur në vitin 1887 në fshatin Kresna u formua shtabi i kryengritjes maqedonase-kresnase që është njëherit edhe dita kur filloi kryengritja.
