Shkup, 1 Qershor – Deputeti nga radhët e VMRO-DPMNE-së, Bojan Stojanoski, sonte në emisionin “Magazina Ekonomike” në Alsat, ka shprehur pakënaqësi me punën e deritanishme të qeverisë dhe ekipeve ekonomike. Siç tha ai, joefikasiteti i tyre ka sjellë rritje disafish të inflacionit dhe të shportës së konsumit në vend.
“Më e pakta që mund të bëjë ekipi ekonomik i qeverisë për të përmirësuar situatën është të japë dorëheqjen e plotë, nga i pari tek i fundit, sepse këto politika ekonomike që ky ekip i ka sjellë, na sollën deri në këtë pikë, të kemi inflacionin më të lartë që nga 94-ta. Për 30 ditë shporta konsumatore duhet të rritet për 1300 denarë…kjo qeveri ende po bën analiza…çfarë analizash plus duhet të bëhen”, tha Stojanoski