Një ndeshje futbolli në nivelin amator në Ciudad Obregón, në shtetin meksikan të Sonora, u ndërpre nga një sulm nga një grup individësh të armatosur që vranë një nga trajnerët e skuadrave në lojë. Ngjarja ka ndodhur në një ambient sportiv në lagjen Cajeme.
Rreth orës 21:20 me orën lokale, kur po zhvillohej ndeshja, një nga teknikët, i identifikuar si Jorge Alberto “N”, 44 vjeç, është goditur nga një breshëri plumbash. Momenti kur ndodhi vrasja është kapur në video, teksa ndeshja është transmetuar drejtpërdrejt në rrjetet sociale nga një prej dy skuadrave në fushë.
