KFF Mitrovica e ka fituar trofeun e parë të këtij edicioni.
Vashat mitrovicase triumfuan në finalen e Kupës së Kosovës me rezultat 2:1, duke e mposhtur Hajvalinë.
Ndeshja finale u zhvillua në stadiumin “Fadil Vokrri” në Prishtinë.
Mitrovica kaloi në epërsi në minutën e 10-të, kur Edona Kryeziu shënoi nga penalltia.
Hajvalia barazoi rezultatin me Qëndresa Krasniqin, që realizoi në të 37-tën.
E për fitoren e Mitrovicës realizoi Donjeta Halilaj në minutën e 79-të.Këto dy skuadra janë baras me pikë edhe në ligë dhe ndeshja direkte mes tyre do të jetë përcaktuese për titullin e kampionit.
