Menaxheri i Haalandit do t’i fitojë 50 milionë euro nga shitja e tij
Kohëve të fundit, menaxherët e futbollit po fitojnë dhjetëra miliona euro nga transferimet e ndryshme të klientëve të tyre.
E më së shumti në këtë drejtim po fiton menaxheri italian i futbollit, Mino Raiola.
Ai i ka në dorë disa prej lojtarëve kulminantë të futbollit evropian.
Edhe sulmuesi i rrezikshëm, Erling Haaland është në dorë të menaxherit italian.
Raiola po mundohet ta sistemojë futbollistin e Borussia Dortmundit në një klub sa më të madh dhe të përshtatshëm për lojtarin, por edhe për vete.
Raiola në fakt do t’i fitojë afro 50 milionë euro në transferimin e verës që vjen të Erling Haalandit.
Për këtë siguron “jpedrerol”, përcjell Express.
Sulmuesi norvegjez po kërkohet nga klubet e mëdha evropiane, përfshirë këtu Real Madridin, Barcelonën, Manchester Cityn dhe Paris Saint-Germainin.
Nga shitja e tij do të përfitojë Borussia Dortmundi, por edhe menaxheri Mino Raiola.
