Zëvendëssekretarja shtetërore amerikane e ShBA-së Sherman, me mbështetje për Osmanin: Mirëpresim lidershipin dhe mbështetjen e fuqishme në raport me Ukrainën
Ministri i Punëve të Jashtme Bujar Osmani, në kuadër të agjendës dyditore në Uashington, dje ka takuar Uendi Sherman, Zëvendëssekretaren shtetërore në administratën e presidentit amerikan Xhozef Bajden. Pas takimit, Sherman shkroi në Twitter:
“Lavdërime për Ministrin e Punëve të Jashtme Osmani për lidershipin e fuqishëm të Maqedonisë së Veriut në mbështetjen e Ukrainës dhe dënimin e agresionit rus. Folëm edhe për mbështetjen e ShBA-së për Maqedoninë e Veriut në proceset e integrimeve europiane”, ka shkruar Sherman.
