GazetaMax
LAJME

Zgjidhja gjeniale e Bekim Salit: I japim spitalet e vjetra, ndërtojmë të reja me 0 harxhime

Ministri i Shëndetësisë, Bekim Sali, shpalosi për herë të parë sonte në TV21 projektin e tij për ndërtimin e spitaleve të reja në gjithë Maqedoninë e Veriut, të cilat do të zëvendësojnë të vjetrat. Ai tha se vizioni i tij parashikon ndërtimin e Qendrës së re Klinike dhe disa spitale të reja nëpër qytete, pa shpenzuar asnjë denar nga buxheti i shtetit dhe xhepi i qytetarëve. Bëhet fjalë për investime rreth 1 miliardë euro.

Ai tha se, sipas vlerësimeve, prona e shtetit ku qëndrojnë institucionet e vjetra shëndetësore vlen më shumë se sa shpenzimet eventuale për ndërtimin e spitaleve të reja. Prandaj, ideja e tij është që prona aktuale t’u afrohet investitorëve privatë, të cilët në këmbim do të obligohen të ndërtojnë spitale të reja në lokacion tjetër.

“Kam pasur takim me Odën Ekonomike, ata thanë se ka shumë të interesuar për një projekt të tillë. Madje menjëherë kishte të interesuar afaristë nga Struga dhe Ohri për spitalin mes këtyre qyteteve”, tha Sali.

Moderatori Fatmir Aliu aludoi se Bekim Sali mund t’ia shoh sherrin këtij projekti, pasi mund të ketë dikush që nuk dëshiron që Bekim Sali dhe AlternAtivA të realizojnë një projekt kaq të madh.

Related posts

A po lëshon pe VMRO-DPMNE-ja?

e-max

Grubi: Nën frymëzimin e amanetit të dëshmorëve, të ndërtojmë të ardhmen përparimtare të vendit

e-max

Janakieski: Nuk ekziston asnjë akt i nënshkruar nga unë për rrënimin e objektit “Kosmos”

e-max