Sot priten të mësohen dyshet e çerekfinales së Ligës së Kampionëve, Ligës Europa dhe Ligës së Konferencave. Në orën 12:00 do të hidhet shorti për ekipet që kanë kaluar në çerekfinale të Ligës së Kampionëve, ndërsa ajo e Ligës Europa është planifikuar për në 13.30. Shorti për Ligën e Konferencave do të jetë më 15.30.
Tetë ekipet që kanë kaluar tutje në Ligën e Kampionëve janë: Real Madrid, Man. Siti, Bajern Munih, Çellsi, Atletiko Madrid, Liverpul, Viljareal dhe Benfika.
Pas ndarjes së ekipeve në Ligën e Kampionëve do t`i mësojmë edhe kundërshtarët në Ligën Europa.
Ekipet që kanë kaluar në çerekfinale janë: Barcelona, Frankfurt, Uest Ham, Olimpik Lioni, Atalanta, Braga, Renxhers, Lajpcig.
