Në dhjetë vitet e ardhshme, numri i kinezëve mbi 60 vjeç do të rritet nga 280 në më shumë se 400 milionë, sipas Komisionit Kombëtar të Shëndetit të Kinës.
Kinezët po plaken dhe përqindja e punonjësve po zvogëlohet në mënyrë drastike, kështu që kompania e Shangait Fourier Intelligence prezantoi një prototip të një roboti humanoid që mund të përdoret në objektet e kujdesit shëndetësor që kanë nevojë për fuqi punëtore.
Kompania zhvillon teknologji rehabilitimi dhe ekzoskelete, dhe pacientët kanë përdorur pjesë të robotit të ardhshëm si mbështetje për krahët dhe këmbët në terapi fizike. Robotët plotësisht humanoidë duhet të mbushin boshllëkun dhe pacientët do të marrin robotë autonome që mund të komunikojnë me ta.
“GR-1” u prezantua këto ditë në Konferencën Botërore për Inteligjencën Artificiale në Shangai, ku u prezantua edhe prototipi i Teslës për robotin humanoid “Optimus” dhe robotë të tjerë nga kompani të ndryshme kineze.
Midis tyre ishte X20, një robot me katër këmbë nga kompania kineze Deep Robotics i zhvilluar për të zëvendësuar njerëzit në detyra të rrezikshme si zbulimi i gazeve toksike dhe zjarreve dhe kryerja e shpëtimit emergjent.
